Марјан Ецкоски ќе го суди мечот Работнички – Брегалница

Работнички в сабота (15. април) ќе ја пречека Брегалница на „Телеком арена“ во Скопје, во рамките на 27.коло од Првата фудбалска лига на Македонија. Мечот ќе се одигра со почеток во 16 часот, а одредени се и официјалните лица.

Марјан Ецкоски од Охрид ќе биде главен судија на натпреварот, а ќе му помагаат Кирил Негриески (Струга) и Ацо Мацевски (Струга). Четврти судија ќе биде Стојанче Трпчевски (Кавадарци).

За делегат на натпреварот е одреден Сулејман Ибиши (Тетово), а контролор на судењето ќе биде Илир Сеља (Струга).