Работнички ќе игра против Будуќност во квалификациите за ЛЕ

Работнички го доби црногорскиот прволигаш Будуќност за противник во првото квалификациско коло од Лигата на Европа. Ждребот во Нион сакаше тимот од Црна Гора да биде наш прв ривал во новата европска одисеја која ќе стартува во средината на јули.

Будуќност го заврши изминатото првенство на Црна Гора на втората позиција, со освоени 63 бода, четири помалку од шампионот Младост Подгорица.

Според ждребот, Работнички ќе биде домаќин на првиот натпревар, додека реваншот ќе се игра седум дена подоцна во Подгорица.