Арменд Алими успешно опериран, ќе паузира околу шест месеци

Новото засилување на Работнички, Арменд Алими, денеска имаше успешна операција на тетивата на левата нога. Тој се повреди на подготовките во Анталија, а деталните лекарски прегледи покажаа дека ќе мора да биде извршен хируршки зафат за санирање на повредата.

Првичните проценки се дека претстои рехабилитациски процес од околу шест месеци.

Сите во ФК Работнички на Арменд Алими му посакуваат успешно опоравување и да се врати уште посилен на фудбалскиот терен.