Работнички учесник на Генералното собрание на ЕКА, Ањели избран за нов претседател

Фудбалскиот клуб Работнички изминатиов викенд во Женева присуствуваше на Генералното собрание на ЕКА (Европската асоцијација на клубови) на кое за нов претседател е избран Андреа Ањели, првиот човек на италијанскиот клуб Јувентус.

Во изминатите девет години на чело на ЕКА беше Карл – Хајнц Румениге, но тој минатиот месец објави дека нема повторно да се кандидира за оваа функција. Избран е и нов Извршен одбор, а европските клубови дискутираа за низа новини и промени кои треба да ја подобрат фудбалската игра во наредниот период.