Стојанче Стојанов ќе го суди мечот Академија Пандев – Работнички

Работнички во 32.коло од Првата фудбалска лига в недела (17 часот) ќе гостува во Струмица и ќе ги одмери силите со Академија Пандев. Одредени се официјалните лица за овој натпревар.

Главен судија на мечот ќе биде Стојанче Стојанов од Штип, а ќе му помагаат Петар Новачев (Велес) и Зоран Костоски (Прилеп). Четврта судијка е Ирена Велевачкоска (Прилеп).

За делегат е одреден Борис Леов од Велес, а контролор на судењето ќе биде Марјан Кировски од Скопје.