Пораз (1-0) од Силекс во Кратово

Работнички загуби со 1-0 на гостувањето против Силекс во Кратово во рамките на осмото коло од Првата фудбалска лига. По овој пораз, нашиот тим се наоѓа на деветтата позиција на табелата со седум освоени бода.

Работнички беше рамноправен противник во поголемиот тек од натпреварот, но еден одличен потег на Милош Жеравица го реши победникот. Во 26.минута, фудбалерот на Силекс изведе слободен удар од 25 метри и погоди во горниот лев агол од голот на Дамјан Шишковски. Беше тоа неодбранлив удар.

Во продолжение, Работнички се обиде да стигне до израмнување. Се обидуваа Јаго Гомез, Петар Петковски, Иван Марковиќ, но немаше ефект.

Во финишот Силекс можеше и да го удвои водството, но Шишковски одлично интервенираше откако Коцев беше во изгледна можност.

СИЛЕКС – РАБОТНИЧКИ 1-0 (1-0)

Стадион во Кратово. Стрелец: Жеравица 26’ (Силекс). Ж. картон: Ивановски (Силекс), Илиќ (Работнички).

СИЛЕКС: Божиновски, Тимовски, Ивановски (52’ Додев), Благојевиќ, Драшковиќ, Грозданоски (46’ Ѓуриќ), Карчески, Дурански, Жеравица, Серафимовски, Костовски (65’ Коцев).

РАБОТНИЧКИ: Шишковски, Шаркоски, Велковски, Илиќ, Херера, Стојков, Тодоровски (59’ Јевтоски), Јаго (59’ Крстевски), Петковски, Марковиќ, Тошевски (79’ Силјановски).