Почнуваат проверките на формата за Работнички, прв тест – второлигашот Борец

Подготовките на Работнички влегуваат во својата втора фаза. Од денеска стартуваат и пријателските натпревари. Пред заминувањето за Анталија, тимот денеска ќе ја има првата проверка на формата, против второлигашот Борец во Велес, со почеток во 13 часот.

„Влегуваме во фаза во која ќе работиме на техничко – тактичките задачи и воигрување на тимот. Имаме неколку нови фудбалери кои низ пријателските натпревари и тренинзите ќе треба да се адаптираат и да го прифатат нашиот стил на игра. Не очекува напорна работа до почетокот на пролетниот дел од првенството и ќе се трудиме да се подготвиме што е можно подобро. Денеска стартуваме со пријателските натпревари, ќе одиграме против второлигашот Борец, а потоа тестовите на формата ќе продолжат во Анталија“, вели шефот на стручниот штаб, Горан Станковски.