Марјан Ецкоски ќе го суди мечот Силекс – Работнички

Работнички в недела (15 часот) ќе гостува во Кратово и ќе ги одмери силите со Силекс. Одредени се официјалните лица за овој натпревар.

Главен судија на мечот ќе биде Марјан Ецкоски (Охрид), а ќе му помагаат Злате Лозаноски (Битола) и Николче Дрнковски (Битола). Четврти судија ќе биде Благојче Ралевски (Битола).

За делегат на натпреварот е одреден Мишел Истатов (Нов Дојран), а контролор на судењето ќе биде Зоран Петковски (Велес).