Фудбалерите го почувствуваа амбиентот на „Серавале“ во Сан Марино (ФОТОГАЛЕРИЈА)

Тимот на Работнички вечерва го одржа официјалниот тренинг на стадионот „Серавале“ во Сан Марино, каде утревечер, со почеток во 20.30 часот, ќе го одигра првиот натпревар против домашниот тим на Тре Пене, во рамките на првото коло во квалификациите на Лигата на Европа. Шефот на стручниот штаб Виктор Треневски им ’сервираше’ релаксирачки тренинг на фудбалерите, кои имаат можност да се запознаат со амбиентот на овој стадион.