Дамјан Шишковски и Кире Маркоски повикани во селекцијата до 21 година

Двајца членови на ФК Работнички, голманот Дамјан Шишковски и крилниот напаѓач Кире Маркоски, добија повик во младата фудбалска репрезентација на Македонија до 21 година за претстојниот квалификациски натпревар против Шкотска, кој ќе се одигра на 11 октомври на арената „Филип Втори“ во Скопје. Ова е последен меч од квалификациите за ЕП 2017, а Македонија има изгледни шанси да избори учество на завршното натпреварување.

Шишковски и Маркоски на селекторот Благоја Милевски треба да му се стават на располагање на 3 октомври, кога почнуваат подготовките за овој квалификациски натпревар.