Алексовски и Максимов на списокот на Милевски за пријателскиот меч со Саудиска Арабија

Работнички има двајца претставници на списокот на селекторот Благоја Милевски за пријателскиот натпревар против Саудиска Арабија на 22. октомври во Абу Даби. Голманот Игор Алексовски и Методи Максимов ќе имаат репрезентативни обврски со А-тимот.

Алексовски беше дел од А-селекцијата и на последните два натпревари против Грузија и против Бугарија, а Максимов за првпат ќе биде дел од сениорскиот национален тим.

Подготовките за конторлниот натпревар против Саудиска Арабија ќе започнат на 17. октомври. На тренинг центарот „Петар Милошевски“ ќе се одработат два тренинзи пред заминувањето за Абу Даби на 18. октомври.