Марјан Младеновски ќе го суди мечот Работнички – Македонија ЃП

Работнички во шестото коло од Првата фудбалска лига ќе го пречека тимот на Македонија ЃП в среда, со почеток во 15.30 часот, на арената „Тодор Проески“ во Скопје. Одредени се официјалните лица за овој натпревар.

Главен судија на мечот ќе биде Марјан Младеновски, а ќе му помагаат Дејан Неделкоски и Гоце Петрески. Четврти судија ќе биде Никола Костенчев (сите од Скопје).

За делегат на натпреварот е одреден Кронислав Мантароски (с.Големо Коњари), а контролор на судењето ќе биде Марјан Ристески (Кичево).