Илијоски: Многу важна победа, сега пак размислуваме и за Европа

Работнички оствари значаен триумф (2-0) против Македонија ЃП, тимот реагираше најдобро кога беше најпотребно и повторно размислува за четвртото место кое можеби ќе донесе и излез во Европа. Од друга страна, полесно се дише со оглед дека опстанокот е речиси осигурен.

Капитенот Баже Илијоски вели дека Работнички секогаш игра најдобро кога е најпотребно.

„Полесно се дише. По подолга пауза остваривме победа, многу значајна за Работнички и позицијата на табелата. Речиси ги разрешивме дилемите околу опстанокот, а пред последните две кола сега повторно размислуваме и за тоа четврто место, кое можеби ќе води и во Лигата на УЕФА. Доколку успееме да славиме и на двата последни меча можеби ќе испадне и одлично за Работнички“, вели капитенот Баже Илијоски.

Во следното 35.коло, Работнички ќе и гостува на Беласица во Струмица.