Тасевски: Голема дерби – победа над Вардар, но да ја потврдиме и со триумф против Македонија ЃП

Работнички оствари значаен триумф (0-1) над Вардар во градското дерби и се искачи на четвртата позиција на табелата со 20 освоени бода. Тренерот Жикица Тасевски изразува задоволство од настапот на својот тим и освоените три бода, но вели дека многу важно е победата да биде потврдена со ново добро издание и против Македонија ЃП в недела.

„Остваривме голема победа во дербито со Вардар. На такви натпревари, бодовите се најважни, а ние успеавме да стигнеме до нив со голема борба и максимална тактичка дисциплина во текот на целиот натпревар. Тимот се издигна на посакуваното ниво, но сега е уште поважно да го задржиме истиот ритам и на следниот меч против Македонија ЃП в недела. Работнички мора да игра добро и да победува во континуитет“, вели шефот на стручниот штаб, Жикица Тасевски.

Одредени се и официјалните лица за неделниот меч против Македонија ЃП. Главен судија ќе биде Александар Ставрев, а ќе му помагаат Марјан Кировски и Дејан Костадинов. Четврти судија ќе биде Никола Костенчев (сите од Скопје).

За делегат на натпреварот е одреден Димче Маневски (Велес), а контролор на судењето ќе биде Делчо Јакимовски (Скопје).