На кратко

Работнички ја оствари 11. победа оваа сезона и продолжи во одличен ритам во финипот на првенство, совладувајќи ја Брегалница со 5-4 во 31.коло од Првата фудбалска лига. По ова, нашиот тим се наоѓа на седмата позиција со 37 бода.

Вистинска голеада се случи денеска на стадионот „Борис Трајковски“. Брегалница подобро го почна мечот и преку Дарко Додев и Зоран Андонов поведе со 0-2. Но, потоа дојде периодот на Работнички.

Анес Рушевиќ намали, а Мартин Мисердовски најдобро се снајде по корнер и израмни на 2-2. Во 39.минута, Марселин Гандо Биала се погрижи и за целосен пресврт.

Мазари постигна прекрасен гол за 4-2, а возврати Брегалница со трет погодок.

Сепак, Анес Рушевиќ во 67.минута стрелаше за 5-3, а серијата голови ја затвори Иван Николов.