На кратко

Работнички забележа пораз (3-0) од Шкендија во Тетово во рамки на петтото коло од Првата фудбалска лига. По ова, тимот се наоѓа на последното место на табелата со три освоени бода.

Шкендија поведе во 19.минута по акцијата на Гледи Мици од левата страна. Тој нафрли во шеснаесетникот, Агим Ибраими не успеа да ја зафати, но од позадина натрча Стенио Жуниор и ја затресе мрежата на Дамјан Шишковски. Кон крајот на првиот дел, Арменд Алими зголеми на 2-0, со удар од 15 метри во 37.минута од натпреварот.

Петар Петковски ја имаше најубавата шанса за Работнички, но не успеа да ја реализира, а на стартот на второто полувреме се закани Зејнулаи.

Шкендија во 90.минута поведе со 3-0 со голот на Енур Тотре, што на крајот беше и конечен епилог на мечот.