Инфраструктура

Тренинг центарот на ФК Работнички се наоѓа во Градскиот парк, позади западната трибина на Националната Арена Филип II. Фудбалерите на Работнички на располагање имаат четири комплетно реновирани фудбалски терени. Два терени се со природна трева, а два терени се со вештачка трева и на сите нив има рефлектори со можност за ноќно тренирање.

На крајот на 2007 беа изградени и нови објекти кои содржат нови соблекувални, соби за одмор, ресторан, теретана и фитнес центар, медицинска соба. Сите овие објекти се во служба на нашите играчи и им обезбедуваат подобри услови за работа и можност за подобри резултати.