shopping-bag 0
Items : 0
Subtotal : 0 MKD
View Cart Check Out

Пораз од Брегалница (6-2) за крај, Работнички заврши на третото место

Работнички загуби со 6-2 на гостувањето во Штип во последното 36.коло во Првата фудбалска лига. Сепак, целта е остварена, освоено е третото место кое води во квалификациите за Лигата на Европа, а на последниот меч шанса добија дел од помладите фудбалери.

Работнички прв поведе на овој натпревар. Веќе во петтата минута, Бенјамин Демир го отвори резултатот. Но, само пет минути подоцна, Бобан Георгиев израмни, а во 21.минута и ја доведе Брегалница во водство од 2-1.

Во вториот дел, Здравков постигна два гола, Георгиев уште еден, а и Славчо Велковски беше стрелец за Брегалница. Во 90.минута, Филип Ивановски го постави конечниот резултат, постигнувајќи го вториот гол за Работнички.

БРЕГАЛНИЦА – РАБОТНИЧКИ 6-2 (2-1)

Градски стадион во Штип. Судија: Марјан Младеновски (Скопје). Стрелци: Георгиев 10’, 21’, 71’, Здравков 50’, 62’, Велковски (Брегалница), Демир 5’, Ивановски 90’ (Работнички). Ж. картони: Ристовски, Вучетиќ, Стојанов (Брегалница), Најдовски (Работнички)

БРЕГАЛНИЦА: Б.Ристовски (69’ Давков), С. Ристовски, Стојанов, Коцев, Темелков (74’ Митров), Вучетиќ, Велковски, Костов, Здравков (64’ Наумов), Миовски, Георгиев.

РАБОТНИЧКИ: Божиновски, Ацковски (46’ Тодоров), Стојковски, Најдовски, Митрев, Херера, Најденов, Наумчевски, Демир (59’ Борха), Станковски (46’ Дурански), Ивановски.