Најновите засилувања со првиот тренинг: Шиков и Вуковиќ се приклучија на тимот (ФОТОГАЛЕРИЈА)

Македонскиот репрезентативец Ванче Шиков и црногорскиот интернационалец Иван Вуковиќ денеска го одработија првиот тренинг со тимот на Работнички. Тие изминатиов викенд потпишаа договори со Работнички и го засилија нашиот состав за пролетниот дел од сезоната.

До натпреварот со Македонија ЃП остануваат уште шест дена, а тренерот Виктор Треневски и фудбалерите ги дотеруваат финесите пред почетокот на пролетта.