Дожд за бериќет, па сонце за нов европски блесок на Работнички (ФОТОГАЛЕРИЈА)

Работнички го одржа официјалниот тренинг на Градскиот стадион во Подгорица, како последна подготовка пред утрешниот реванш против Будуќност, во рамките на првото квалификациско коло од Лигата на Европа. Тренингот стартуваше под силен дожд, и нека донесе бериќет за нашиот тим, а потоа блесна и сонце, можеби најавувајќи го новиот европски блесок на Работнички.

Сепак, се ќе остане утревечер на избраниците на Томислав Франц. Дојдоа во Подгорица со 1-1 од Скопје, но во преостанатите 90 минути треба да покажат дека се поквалитетен ривал од домашниот Будуќност.