Работнички гостин на Металург на стадионот „Борис Трајковски“, суди Фатон Мустафи

Работнички ќе му гостува на Металург на стадионот „Борис Трајковски“, в недела, со почеток во 14 часот, потврди денеска Фудбалската федерација на Македонија, определувајќи ги службените лица за натпреварите од 20.коло во Првата фудбалска лига.

Главен судија на овој натпревар ќе биде Фатон Мустафи од Тетово, а ќе му помагаат Тони Стојановски (Скопје) и Игор Ширилов (Скопје). Четврти судија е Ивана Пројковска (Скопје).

За делегат на натпреварот Металург – Работнички е одреден Бернард Симонов од Штип, додека контролор е Ванчо Коцев (Штип).