Брегалница, наш ривал во полуфиналето на Купот

Работнички ја продолжува одбраната на трофејот во националниот Куп. Денешниот ждреб во ФФМ ги одреди двојките за следната рунда, а според него Брегалница ќе биде наш ривал во полуфиналето на Купот на Македонија. Во второто полуфинале ќе се сретнат Хоризонт Турново и Шкендија.

Полуфиналните мечеви ќе се играат напролет. На првиот полуфинален натпревар Работнички ќе биде гостин, а реваншот ќе го игра на домашен терен.