shopping-bag 0
Items : 0
Subtotal : 0 MKD
View Cart Check Out

Работнички отпатува на подготовки во Анталија

Работнички од денеска се сели во турскиот туристички центар Анталија каде ќе биде реализирана главната фаза од зимските подготовки. Тимот на Борче Христов во наредните 12 дена ќе се фокусира на воигрување на составот и на контролни пријателски натпревари.

Засега се потврдени два теста. Работнички на 23. јануари ќе игра против Раков, четвртопласираниот тим во шампионатот на Полска, а три дена подоцна ќе ги одмери силите и со уште еден полски прволигаш, Краковија.

Работнички ќе остане во Анталија до 31.јануари, кога е планирано враќањето во Скопје.