Победа над Тетекс (2-0) на вториот тест-меч

Работнички ја оствари првата победа во зимскиот подготвителен период. На вториот тест славеше против второлигашот Тетекс со 2-0. Стрелец на двата гола беше Фахрудин Ѓурѓевиќ во второто полувреме од дуелот. Тој успеа да погоди во 72.минута и го отвори резултатот, а потоа и го потврди триумфот со вториот гол во 85.минута од натпреварот.

Тренерот Александар Влахо и на овој тест – меч ја подели минутажата на сите фудбалери. Во првото полувреме нашиот тим создаде неколку шанси пред голот на Тетекс, но Марио Станковски, Стојкоски и Ристовски не успеаја да ја затресат мрежата.

Во вториот дел, офанзивата на Работнички донесе и резултат. Фахрудин Ѓурѓевиќ во 72.минута успеа да донесе водство, а во 85.минута уште еднаш ја затресе мрежата на Тетекс.

Работнички на 26.јануари патува на подготовки во Охрид каде ќе продолжи со пријателските натпревари. Следен тест ќе биде дуелот со Ренова на 27.јануари.

РАБОТНИЧКИ – ТЕТЕКС 2-0 (0-0)

Игралиште на Алумина. Стрелец: Ѓурѓевиќ 72′, 85′ (Работнички).

РАБОТНИЧКИ: Јанков, Силјановски, Кировски, Ѓорѓевиќ, Максимов, Јевтовски, Јонуз, Лазаров, Стојкоски, Ристовски, М. Станковски. Уште играа: Мустафа, Пецов, Мисердовски, Грозданоски, Зеќири, Зука, Ангелов, Тодоровски, Петковски, Ѓурѓевиќ, Петровиќ.

ТЕТЕКС: Митев, Б. Пановски, Ибраими, Николовски, Јордановски, Христовски, Бајрами, Чилафи, Михајловски, Салиу, Дервиши. Уште играа: Тимовски, Ислами, Стојановски, Здравковски, Ангеловски, Јовановски, Алексов, Митревски, Иванов, Ајдини, А. Пановски.