shopping-bag 0
Items : 0
Subtotal : 0 MKD
View Cart Check Out

Давид Тошевски ја продолжува кариерата во рускиот Ростов

Напаѓачот на Работнички, Давид Тошевски, кариерата ја продолжува во рускиот клуб Ростов. По успешните преговори, тој потпиша петгодишен договор со Ростов и во иднина ќе настапува во руската Премиер – лига. ФК Работнички изразува задоволство што и понатаму продолжува со стратегијата за форсирање на млади и талентирани фудбалери кои потоа прават трансфери во големите европски клубови.

Тошевски е дете на Работнички, почетоците ги имаше во пионерско-младинската академија на клубот, а како еден од најталентираните беше прекомандуван во сениорскиот тим и потпиша професионален договор. Изминатава сезона Давид Тошевски одигра 21 натпревар во дресот на Работнички, беше стрелец на пет гола и забележа три асистенции. Тој е младински репрезентативец на Македонија. Трансферот на официјалниот сајт го потврди и рускиот клуб Ростов.