Нов едногодишен договор со Драган Стојков

Во насока на задржување на играчкиот костур и за следната натпреварувачка сезона, ФК Работнички денеска го продолжи договорот со Драган Стојков.

31-годишниот Стојков, кој пред една година им се приклучи на „романтичарите“, потпиша нов едногодишен договор.

Драган Стојков (31) има богато интернационално искуство, настапувајќи за грчките клубови Егалео и Илисијакос, српските Јагодина и Напредак Крушевац како и струмичка Беласица. Голем дел од кариерата мина и во Соединетите Американски Држави, каде беше член на ЛА Галакси, Инди и Сент Луис.

Претходно, Работнички потпиша нов двегодишен договор за соработка и со шефот на стручниот штаб, Ратко Достаниќ.